पालक व मक्याचा रवा ढोकळा
#ब्रेकफास्ट
ढोक, हा गुजरात व त्याच्या बाजूच्या काही राज्यातील एक खाद्यपदार्थ आहे. मुळात ढोकळा हा तांदूळ व डाळीचं पीठ तिंबवून बनवला जातो.
इथे मी रव्याचा झटपट बनणारा ढोकळा दाखवला आहे व त्याची पौष्टिकता वाढवायला त्यात पालक व मका घातला आहे. मक्याने ढोकळ्याची चव उभरून येते व मुलांना देखील लूभावते.
पालक व मक्याचा रवा ढोकळा
#ब्रेकफास्ट
ढोक, हा गुजरात व त्याच्या बाजूच्या काही राज्यातील एक खाद्यपदार्थ आहे. मुळात ढोकळा हा तांदूळ व डाळीचं पीठ तिंबवून बनवला जातो.
इथे मी रव्याचा झटपट बनणारा ढोकळा दाखवला आहे व त्याची पौष्टिकता वाढवायला त्यात पालक व मका घातला आहे. मक्याने ढोकळ्याची चव उभरून येते व मुलांना देखील लूभावते.
अॅपमध्ये उघडाकुकिंग सूचना
- 1
प्रथम पालक निवडून घ्या व कोवळे देठ ही नक्की वापरा. ही पाने मिठाच्या पाण्यात, किमान २० मिनीट भिजवून ठेवा. नंतर ही पाने परत धुऊन निथळत ठेवा.
- 2
पुढे, रवा व दही एकत्र करून १० मिनिटे भिजत ठेवा.
- 3
त्यादरम्यान, पालक, मिरच्या, साखर व आले वाटून घ्या व रव्याच्या मिश्रणात एकजीव करा. २ टीस्पून पाणी व मक्याचे दाणे (थोडे सजावटीसाठी शिल्लक ठेवा) त्यात घाला व एकजीव करा. हे मिश्रण १५ मिनिटे भिजत ठेवा.
- 4
ढोकळा बनवण्यासाठी एका कढईत किव्वा पातेलीत साधारण २" पातळी इतपत पाणी घालून गरम करत ठेवा व एक पसरट पातेलीला आतून चांगले तेल चोळून घ्या.
- 5
रव्याच्या मिश्रणात फ्रूट सॉल्ट घालून त्यावर १ टीस्पून पाणी घाला. लगेच त्याला फेस येईल. हे अलगद रव्याच्या मिश्रणात एकजीव करा व लगेच तेल चोळलेल्या पातेलीत ओता. त्यावर उरलेले मक्याचे दाणे पेरा.
- 6
कढईत एक स्टॅन्ड ठेवा व पातेली त्यावर ठेवा. पातेलीचा तळ पाण्याच्या वर पाहिजे व त्याला शिवला नाही पाहिजे.
- 7
पुढे, कढई झाकून ढोकळा मोठ्या आचेवर १५ मिनिटे वाफवून घ्या. नंतर, ढोकळ्लाचे समान तूकडे करुन घ्या.
- 8
आता तेलाची फोडणी करुन घ्या व त्यात राई घाला. ती तडतडली की त्यात हिंग, तिळ व मिरच्या घालून परतवा व लगेच ती ढोकळ्यावर ओता.
- 9
हा पौष्टिक व चविष्ट पालक व मक्याचा रवा ढोकळा कोथिंबीर व पुदिना हिरव्या चटणी सोबत नाश्त्याला वाढा.
कूकस्नप्स
Similar Recipes
More Recipes
टिप्पण्या