محشي ورق عنب وشرايح اللحم
إفتح في تطبيق كوكبادالخطوات
- 1
نشوح اللحمة على النار مع ملح و فلفل و ورق لورا و لو حسينا انها ناشفه شويه ممكن نذود ماء و نغطيها لحد ما تنشف
- 2
نحضر خلطه المحشي نقطع بصله كبيره و نبشر جزره و نقطع فلفل حامي و فلفل رومي و فص ثوم و نشوح كل دا بحوالي ربع كوب زيت ذرة لحد البصل لما يبقى لونه فاتح و طري لكن مش هنحمره
- 3
في الخلاط هنضرب الطماطم و نضيفها للخلطه و نضيف معلقتين صلصة و توابل عباره عن ملح و فلفل و كمون و كزبره نعناع ناشف فلفل اسمر و نسيبها تتسبك على النار لما ميبقاش فيها ماء خالص و بعدين نقطع الكزبره الخضرا صغير ونضيفها على الخلطه
- 4
في الحله اللي هنلف فيها هنقطع جزر و فلفل و طماطم و بصل و كزبرة خضره و فصوص ثوم و نرش عليهم رشه ملح ونضيف اللحمة
- 5
هنحضر تتبيله اللي بنحطها بين طبقات المحشي و هيا عباره عن ثوم مفروم بملح و زيت زيتون و عصير لمونتين و دبس رمان دي بتعزز النكهه
- 6
هنجهز الخلطه الرز و الصلصة و نظبط الملح و نلف المحشي فوق اللحمة و بين كل طبقه و طبقه هنرش من الثوم اللي حضرناه
- 7
هنذود المحشي مرقه لو موجود لو مش موجود هيبقا هنعمل ماء بملح و نذود بيها المحشي انا الرز بتاعي بيحتاج ماء ذياده فمذوده الماء شويه هنحطه على نار عاليه يغلي و الماء بتاعته تتشرب و نخفف عليه النار يبقى على نار هاديه خالص لحد تمام السوا و بالهنا و الشفا
كلمات ذات صلة
وصفات مشابهة
وصفات ننصحك بمشاهدتها
التعليقات