દહીં વડા બનાવવા માટે સૌ પ્રથમ અડદની દાળ અને મગ ની દાળ ને ૪-૫ વાર પાણી લઇ ને ધોઈ લો.ત્યારબાદ તેમાં પાણી નાખીને ૫-૬ કલાક પલાળી રાખો.

હવે આ દાળ એકદમ સરસ પલળી જાય ત્યારબાદ ‌‌‌તેને જરૂર પુરતું જ પાણી ‌‌‌નાખીને મિક્સર માં ક્રશ કરી લો.હવે આ ખીરાને એલ્યુમિનિયમ ના વાસણમાં નાખી ને ઢાંકી ને ૪-૫ કલાક સુધી તડકામાં અથવા ગરમ‌ વાતાવરણ‌ માં મૂકી દો જેથી કરીને એકદમ સરસ આથો આવી જશે.

હવે તેલ ગરમ કરી તેમાં આ ખીરા માં જરૂર પુરતું નમક સાજીના ફૂલ નાખી ને એકદમ સરસ ફેંટો.ગરમા ગરમ તેલમાં વડા મૂકો અને ફ્રાય કરો.હવે આ બધા વડા ને પાણી ‌‌‌‌‌‌ભરેલા તપેલામાં નાખી ને ૧૫-૨૦ મીનીટ સુધી પલળવા દો.પલળી જાય ત્યારબાદ તેને હળવા હાથે દબાવી ને બધું પાણી નીતારી લો.

હવે વડા ને સર્વિંગ પ્લેટમાં લઇ તેના પર ઠંડુ મીઠું દહીં નાખી તેના પર મરચું પાવડર, શેકેલા જીરાનો પાઉડર,નમક, દાડમ ના દાણા, ધાણા ભાજી ભભરાવી સર્વ કરો.