في الأول نجيب القوالب وندير فيهم البسكوي مغطس في القهوة درت حبتين في كل مول من بعد نقص الموز دوائر ونزيدهم من الفوق.

نروح نقسم الحليب كل نصف لتر وحدو في كل نصف ندير ملعقتين كبار سكر وملعقة ونصف نشاء

نروح نديرهم على النار ونحرك حتى يعقد ننزعها من النار ونزيد لكل وحدة الشكلاطة ونحرك حتى تدوب ونحكم وحدة في اليد اليمنى والثانية في اليسرى ونسكبهم في نفس الوقت فوق البسكوي والموز باه نتحصل على الشكل لي في الصورة نديرهم يبردو وبالصحة.