मूगडाळ मध्यम आचेवर खमंग वास येईपर्यंत कोरडी परता. थंड झाल्यावर मिक्सरमधून बारीक वाटून घ्या.

एका कढईत तूप गरम करा. मूगडाळीचे पीठ मध्यम आचेवर तूपामध्ये खमंग परतून घ्या.

एका पातेल्यात चिरलेला गूळ घेऊन त्यात निम्मे पाणी घालून मंद आचेवर ठेवा. पाकाला उकळी आली की गॅस बंद करा. पाक थोडा थंड झाल्यावर मूगडाळीच्या पीठात ओता.

हाताला सोसेल एवढे थंड झाल्यावर त्यात वेलची पूड आणि ड्रायफ्रूट्स घालून चांगले एकजीव करा आणि लाडू वळून घ्या. मूगडाळीचे लाडू खाण्यासाठी तयार!