સૌ પ્રથમ એક વાસણમાં ઘઉંનો લોટ ચાળીને લો. તેમાં મીઠું અને મોણ ઉમેરી મોઈ લો.

ત્યારબાદ તેમાં જરૂર મુજબ પાણી ઉમેરી ભાખરી વણી શકાય તેવો કઠણ લોટ બાંધો. થોડું તેલ લઈને લોટને સરખી રીતે કેળવી લો.

લોટમાંથી મધ્યમ સાઈઝનાં લુઆ તૈયાર કરો. આદણી પર વણીને મધ્યમ જાડી ભાખરી તૈયાર કરો.

માટીની કલાડીને ગેસ પર ગરમ કરી તેમાં વણેલી ભાખરી શેકો. બંને બાજુ શેકાઈ જાય પછી તેને ચિપિયા વડે તેજ આંચે ફૂલાડો.

તૈયાર ભાખરી પર ઘી ચોપડીને તેને ગરમાગરમ સર્વ કરો. મારા ઘરમાં આવી ભાખરી રોજ બનાવવામાં આવે છે. તમે પણ બનાવજો.