انقع الرز في ماء دافي ١٠ دقائق، ننظف الروبيان (القريدس) وننقعه في ماء، نطبخ العدس الاسمر والماش في ماء عشر دقائق الى ربع ساعة حد الاستواء

احمص البصل مع بهارات صحيحه واذا صار ذهبي نحط الفلفل الحار و فلفل البارد الصغار و الروبيان (القريدس) والبهارات ونحركه. نحط الطماطم والفلفل البارد المطحون ونحركه حتى يتسبك، حطي كمية كبيره شبت وتابل وبعد حركيه وحطي الماش والعدس ونجرب مقدار الملح اذا يحتاج اضافه

نحط العيش بدون الماء ونحركه عشان ياخذ اللون وبعدها نضيف الماء المغلي مثل المجبوس لكل كوب رز كوب ونص ماء ونحركه على نار عاليه واذا نشف الماء نسكره ونتركه يتنشف على اصغر نار ثلث ساعة وبالعافيه