كيكة عيد الميلاد مثل المحلات بالضبط
إفتح في تطبيق كوكبادالخطوات
- 1
بسم الله: في إناء نخفق البيض والسكر و رشة ملح جيداً حتى يصبح المزيج أبيض و يتضاعف حجمه نظيف الفرينة مغربلة على دفعات و نخلط من تحت لفوق وفي نفس الاتجاه و برفق باه مايخرجش الهواء الى دخلناه للمزيج كي تدخل الفرينة مليح نظيف الماء والزيت والمنكه والخل مخلطين مع بعضاهم
- 2
ونزيد ندخلهم فالخليط برفق حتى يمتزجوا مليح ، نكون وجدت البلاطو تاعي 35/30 وفرشتوا بورق الزبدة وشعلت الفرن على 180 درجة نفرغ الخليط نسويه بالسباتول مليح نخبطوا شوية وندخلوا يطيب (يستوي) حوالي 10 دقائق حتى ل 15 دقيقة كأقصى حد.
- 3
نوجد السيرو في كسرونة نحط كأس ماء مع نصف كأس سكر و شريحة ليمون كي يغلي نحسبلوا 10 دقائق ونطفي ونخليه يبرد.
- 4
نطلع الكريم شانتيه ونحطها في الثلاجة. نوجد لاجولي ندوبها شوية فوق النار ونخلط معاها المنكه حسب الذوق واللون ونخليه يبرد.
- 5
نجيب سارسوا حسب المتوفر نقطع قطع الجينواز على قد السارسوا و قطعة رايحة تكون مقسومة لجزئين عادي نحطوها في الوسط مارايحاش تبان المهم نحطوا القطعة الاولى وبواسطة بانسوا نسقيوها مليح ونظيفوا طبقة مليحة تاع الكريمة نزيد القطعة الثانية نسقيها ونزيد الكريمة ونزيد الطبقة الثالثة نسقيها ونزيد الكريمة نسويها مليح بالسباتول وندخلها المجمد نصف ساعة.
- 6
نجبدها نحكم شاليموا نحاول نذوب الأطراف باه ينفصل السارسوا ولا بواسطة سكين نفصل الكيكة عن السارسوا نزيد نظيف الكريمة للأطراف وزينتهم بكاوكاو محمص ومطحون في الوجه نظيف لاجولى نسويها مليح نزينها بوردات صغار تاع الكريمة ونزينها بالفواكه حسب الرغبة نذوب الشوكولاتة نزيدلها شوية زيت نباتي و نحطها فقمع دو ثقب صغير و نكتب العبارة الى نحب. نطلي الفواكه بقليل من لاجولي ونحط الكيكة في الثلاجة وبالصحة والعافية.
كلمات ذات صلة
وصفات مشابهة
وصفات ننصحك بمشاهدتها
التعليقات (2)