चिकन चे मध्यम आकाराचे तुकडे करून स्वच्छ धुवून घ्या. मॅरीनेशन साठी आले लसून पेस्ट, मिरची पावडर, गरम मसाला, मीठ आणि दही घालून चांगले एकजीव करा.

बासमती तांदूळ स्वच्छ धुऊन अर्धा ते पाऊण तास पाण्यात भिजत ठेवा. तांदळाच्या तिप्पट प्रमाणात पाणी घेऊन एका टोपा मध्ये उकळत ठेवा.

पाण्याला उकळी आल्यानंतर भिजवलेला तांदूळ त्यात घाला आणि 80 टक्केपर्यंत भात शिजवून घ्या. अतिरिक्त पाणी काढून टाकून भात मोकळा करून घ्या. चवीपुरते मीठ आणि तूप मिसळून घ्या. कांदा आणि टोमॅटो चिरून घ्या. दोन मोठे कांदे उभे चिरून तेलामध्ये तळून घ्या.

एका मोठ्या टोपामध्ये अर्धी वाटी तेल गरम करून घ्या. त्यात अनुक्रमे उभा चिरलेला कांदा, उभा चिरलेला टोमॅटो घाला. मऊ होईपर्यंत परतून घ्या. आता त्यात तमालपत्र आणि शाही बिर्याणी मसाला घाला.

खाण्याचे नारिंगी आणि पिवळा रंग वाटीत घेऊन त्यात थोडे पाणी घालून दाट रंग बनवून घ्या. आता चिकन च्या ग्रेव्ही वर भाताचा थर पसरवा. वरून साजूक तूप सोडा. तयार केलेला नारिंगी आणि पिवळा रंग ठिक ठिकाणी ओता. तसेच चिरलेली कोथिंबीर, पुदिना आणि तळलेला कांदा पसरवा.

पातेल्यावर झाकण ठेवून त्या झाकणावर वजन ठेवावे. गॅस चालू करून त्यावर तवा तापत ठेवावा. बिर्याणी चे पातेले तव्यावर ठेवावे सुरूवातीला फास्ट गॅस वरती पंधरा मिनिटं दम द्यावा नंतर मध्यम गॅस वरती 20 ते 30 मिनिटं बिर्याणीला दम द्यावा. गरमागरम वाफाळलेली चिकन दम बिर्याणी कोशिंबीर सोबत सर्व्ह करा!