نخلط جميع المقادير ونضيف الفرينة تدريجيا حتى نتحصل على عجينة سهلة الاستعمال نتركها ترتاح شوية ومن بعد نحلها بالحلال ونطبع دوائر بطابع الصابلي الكبير ناخذ لي كيسات نقلبهم ونحط دائرة الصابلي ونعدلها ونكمل كامل الكمية ونحطهم يطيبوا او نحطهم في لي مول الخاصة بلي تارتولات ونثقبهم بالفرشيطة ونحطهم يطيبوا

بالنسبة للكريمة في اناء نخلط البيضة السكر النشاء ونضيف الحليب المغلي تديجيا مع السرعة في الخلط ونرجعه على نار هادئة حتى تعقد ونضيف م ك زبدة نفرغها في صحن ونغطيها بالورق الشفاف ونحطها في الثلاجة في هذا الوقت نخفق بودرة الشونتيي مع الحليب حتى نتحصل على كريمة بعد ما تبرد الكريم باتسيير نخلطها بالباتور ونضيف كريمة الشونتيي تدريجيا نعمر لي ميني تارتولات بالكريمة والتزيين الاخير اختياري انا استعملت موز مقطع دوائر وكرميل

بالنسبة لصلصة الكراميل
كاس سكر على نار هادئة حتى
نتحصل على اللون الذهبي اي يتكرمل
نزيد م ك زبدة
ونزيد كاس ماء مذوبة فيه م ك نشاء
ونحرك حتى يثقال نضيف م ص فاني اما مربى الفريز الوصفة موجودة في صفحتي