في برمة الكسكس نوضعو اللحم، الزيت، الملح، وملعقة السمن يتشحرو مزياان مع التقليب، من بعد نوضعو الحمص و نشلضو البصلتين قطع كبيرة، و نحركو الكل نضيفو العطرية، ونحركو نخليو الكل يتشرب العطرية. نخويو الماء الفاتر حوالي 1,5 لتر ،و نرميو ربطة الربيع، نخليو الكل حوالي 15 دقيقة. من بعد نزيدو الجزر و اللفت.

في هاد المرحلة نأخذ الكسكس ندير ليه واحد 2 معالق زيت نباتية و ندخلها فيه مزياان و نبدا نرش عليه الماء و انا كنفتل فيه و نخليه على جنب يتشرب، من بعد نأخذ الكسكاس و نبدا نحط الكسكس غير نصف الكمية و نوضعو فوق البرمة واحد 10 دقائق حتى تطلع فيه الفورة من بعد نزيد الكمية المتبقية، ونخليه حوالي 25دقيقة و نحيدو ، نعاود نفس الطريقة و نردو يطيب للمرة الثانية.

فهاد المرحلة نحيد الكسكس من بعد متفور 2 مرات، هاد المرة نرشو ب 2 معالق كبيرة زيت الزيتون و الملح و ندخلهوم فيه مزيان، و هاد المرحلة الاخيرة نرشو غير شوية بالماء و نخليه ينشف، و نزيدو ف البرمة الماء الساخن اذا كان شرب بزااف، نزيدو البطاطس مع القرع الاحمر و الاخضر و الطماطم المبشورة، ونخليوه يطيبو ، من بعد نوضعو الكسكس بنفس الطريقة لي فالصابق 10 دقائق ونحيدوه و البرمة نزيدو ضامة السمن

نحيدو الكسكس و نفرشوه في طبق التقديم انا درت القصعة هي فااش تحلى ههههه، و نبدا نشكل الخضار و بالصحة و الهنى