مكدوس سوري
مقدار المواد فيكي تقسميها حسب الكميه يلي بتحتاجيها. انا ذكرت الكميات يلي استخدمتا
مكدوس سوري
مقدار المواد فيكي تقسميها حسب الكميه يلي بتحتاجيها. انا ذكرت الكميات يلي استخدمتا
إفتح في تطبيق كوكبادالخطوات
- 1
لتحضير دبس الفليفلة منقطع الفليفلة بلطول ومنضف كل البذور ومننشرها بشكل منفصل يعني كل قطعة لحالها مو فوق بعض ومنغطيها من الغبار. بتبقى يومين تقريبا لحد ما تذبل وتنشف
- 2
بماكينة الكبة منفرمها فرم خشن وممكن نرجع نشمسها بعد الفرم ٢٤ ساعة اذا طلع منها مي مع التقليب كل كم ساعة تحريكة لحد ما تكمش
- 3
لتجهيز الباذنجان منشيل القمع الاخضر ومنصفهن ب طنجرة كبيرة ومنوضع عليهن ماء بارد ومنتقل عليهن متل الصورة
- 4
كتير مهم نوضع الماء بارد من الحنفية ومنغليهن على نار عالية هلخطوة مهمة حتى لا يسود الباذنجان
- 5
بس يغلو منعير ١٠ دقائق ومنشيلهن عن النار وفورا كبي المي السخنة وفتحي عليهن مي باردة لحد ما يبردو تماما منصفي المي
- 6
منجهز مصفاية او سحارة بلاستيك انا استخدمت باليت صغيرة ومنوضع عليها قماش لنصف عليهن الباذنجان ( ممكن ما تحطي قماش بس القماش بيكمشن وقت نحط فوقهن ثقل
- 7
منبلش نشرح كل حبة من جنبها بشكل طولي وبطرف السكين منوضع ملح خشن ومندهن مكان التشريح ومنصفهن على المصفاية بشكل يكون الشرح على جنب
- 8
منسكر القماش ومنوضع ثقل فوقن لنصفي الماء بتاخد القصة يوم ونصف الى يومين كاملين ( الافضل نشيك عليهن ونقلب مكانهن كل ٦ ساعات لحتى الكل بنكبس
- 9
منشيلهن من المصفاية ومنصفهن على طاولة والافضل يكون فوقن كوندشن ليشفو تماما (ليلة كاملة)
- 10
منجهز الحشوة الفليفلة اللي حضرناها مع الجوز بعد ما نكسرو شقف وسط مع الثوم منقطعو بلسكين قطع صغيرة مع ملعقة كبيرة ملح خشن وفنجان زيت زيتون
- 11
منبلش نحشي كل حبة ومنسكر عليها ومنصفهن بمرطبان جاف تماما
- 12
منوضع زيت زيتون لحد يغمرهن وفوقا اصبعتين ومنسكر المرطبان ومنتركهن يستو يومين او تلاتة
- 13
والف صحة وهنا
وصفات مشابهة
وصفات ننصحك بمشاهدتها
التعليقات