لتحضير دبس الفليفلة منقطع الفليفلة بلطول ومنضف كل البذور ومننشرها بشكل منفصل يعني كل قطعة لحالها مو فوق بعض ومنغطيها من الغبار. بتبقى يومين تقريبا لحد ما تذبل وتنشف

بماكينة الكبة منفرمها فرم خشن وممكن نرجع نشمسها بعد الفرم ٢٤ ساعة اذا طلع منها مي مع التقليب كل كم ساعة تحريكة لحد ما تكمش

لتجهيز الباذنجان منشيل القمع الاخضر ومنصفهن ب طنجرة كبيرة ومنوضع عليهن ماء بارد ومنتقل عليهن متل الصورة

بس يغلو منعير ١٠ دقائق ومنشيلهن عن النار وفورا كبي المي السخنة وفتحي عليهن مي باردة لحد ما يبردو تماما منصفي المي

منجهز مصفاية او سحارة بلاستيك انا استخدمت باليت صغيرة ومنوضع عليها قماش لنصف عليهن الباذنجان ( ممكن ما تحطي قماش بس القماش بيكمشن وقت نحط فوقهن ثقل

منبلش نشرح كل حبة من جنبها بشكل طولي وبطرف السكين منوضع ملح خشن ومندهن مكان التشريح ومنصفهن على المصفاية بشكل يكون الشرح على جنب

منشيلهن من المصفاية ومنصفهن على طاولة والافضل يكون فوقن كوندشن ليشفو تماما (ليلة كاملة)

منبلش نحشي كل حبة ومنسكر عليها ومنصفهن بمرطبان جاف تماما

والف صحة وهنا