الحواوشي
الحواوشي من الأكلات المصرية السريعة واللذيذة جداااااا.الحواوشي ظهر فى السبعينات عن طريق جزار مصرى فى منطقة التوفيقية فى القاهرة ,اسمه محمد الحواوش.محمد الحواوش يدء بعربية أكل صغيرة يلف فى شوارع التوفيقيه بالأكلة اللى بيبيعها وهى ببساطه رغيف عيش بلدى متعمر بخليط من اللحم المفروم مع بصل وتوابل وندخلهم الفرن,وسبحان الله الأكله البسيطه دى لقت استحسان من الناس واتنقلت من منطقة التوفيقيه الى باقى مناطق القاهرة ,واتسمت ضمنا بين الناس باسم الجزار اللى بيبيعها ,فبقى الحواوشي من اشهر الاكلات الشعبية المصرية,ومن بعدها اتنقلت لباقى المحافظات فى مصر وكمان لبلاد تانيه ,فمثلا اهل الشام بيقدموها فى عيش الصاج,وفى الجزائر بيسموها المحاجب.الحقيقة هى أكلة لذيذة جداا وكل ما أعملها افتكر كريم أخويا ,لان واحنا صغيرين كان مدمن حواوشي وبيشتريه كثير جداا.انهارده هنعمله مع بعض فى البيت بنفس طعامة حواوشي الشارع.ياللا بينا نبدء باسم الله
#حواوشي #أكل_مصرى
الحواوشي
الحواوشي من الأكلات المصرية السريعة واللذيذة جداااااا.الحواوشي ظهر فى السبعينات عن طريق جزار مصرى فى منطقة التوفيقية فى القاهرة ,اسمه محمد الحواوش.محمد الحواوش يدء بعربية أكل صغيرة يلف فى شوارع التوفيقيه بالأكلة اللى بيبيعها وهى ببساطه رغيف عيش بلدى متعمر بخليط من اللحم المفروم مع بصل وتوابل وندخلهم الفرن,وسبحان الله الأكله البسيطه دى لقت استحسان من الناس واتنقلت من منطقة التوفيقيه الى باقى مناطق القاهرة ,واتسمت ضمنا بين الناس باسم الجزار اللى بيبيعها ,فبقى الحواوشي من اشهر الاكلات الشعبية المصرية,ومن بعدها اتنقلت لباقى المحافظات فى مصر وكمان لبلاد تانيه ,فمثلا اهل الشام بيقدموها فى عيش الصاج,وفى الجزائر بيسموها المحاجب.الحقيقة هى أكلة لذيذة جداا وكل ما أعملها افتكر كريم أخويا ,لان واحنا صغيرين كان مدمن حواوشي وبيشتريه كثير جداا.انهارده هنعمله مع بعض فى البيت بنفس طعامة حواوشي الشارع.ياللا بينا نبدء باسم الله
#حواوشي #أكل_مصرى
إفتح في تطبيق كوكبادالخطوات
- 1
نسخن الفرن على حرارة بين الوسط والعالى. نجهز صينية هنرص عليها الحواوشي ومش محتاجين ندهنها زيت لان الحواوشي هيكون مدهون زيت او اللحم نفسه بينزل دسم.
- 2
العيش اما نسيبه كامل او نقطعه انصاص
- 3
نخلط اللحم المفروم مع باقى المكونات، نحشي العيش بالخلطه وماتكنش طبقة سميكة من الخليط عشان يستوى بسرعه ونضغط على العيش بعد الحشو عشان تكون الحشوة مفرودة بشكل متساوى (اللحم يفضل يكون فيه نسبة دهون حوالى ربع وزن اللحم دهون عشان نوصل لنتيجة حواوشي الشارع لكن طبعا تقدروا تستخدموا لحم مفيهوش دهون كثير لو دا مناسب ليكم اكتر)
- 4
ندهن العيش من الناحيتين برشة زيت ولو اللحم دسم ممكن ماتحتاجوش تدهنوه لكن لانى بستخدم لحم احمر عشان اقلل الدهون بحب ادهن العيش زيت عشان يساعد العيش يكون مقرمش وواخد لون حلو
- 5
ويدخل الفرن حوالى تلت ساعة لحد ما نحس ان شكل اللحم مستوى والعيش شارب من طعم البصل واللحم للى دابوا فى بعض وبقت الريحة مالية
كلمات ذات صلة
وصفات مشابهة
وصفات ننصحك بمشاهدتها
التعليقات