نغسل ونقشر الخضار ونقطع البصل شرائح والطماطم والفلفل والبطاطا دوائر

من جهه اخرى نغسل ونقي السمكات او حتى نطلب من بائع السمك تنقيته وحنا نعاودو فقط نشللوه من بعد ما يقطر نقوم بتحضير الشرميله تاعو بخلط الملح والفلفل الاسودوالكركم والزعفران والزنجبيل والقليل من الكمون على رأس ملعقة صغيرة فقط وتابل الحوت مع قليل من الزيت حوالي ملعقتين الى ثلاث وملعقه ليمون والقليل من الماء ونحك بيه السمك من الخارج ونضع كميه منو فبطنو ونعملو ثقوب ونغرس فيه الثوم ونخليه بجيه

نفس الشيىء نتبل جميع الخضار بنفس التوابل اما نعملو كميه مليحه او كما انا عاودت حضرت اخرى للخضار وهكا نوضع الخضار في صينيه خاصه بالفرن نبدى بالبصل ثم البطاطا ثم الفلفل من بعد نحط قليل من الطماطم ونكمل بالسمك من بعد نحب نحط على السمك دوائر الطماطم حتى يبقى طري ووجهو ما ينشفش

ونغطيه بورق الطهي ونزيد فوقه ورق الالمنيوم وندخلو الفرن على درجه 180الى 200 درجه حوالي نصف ساعة يكونو الخضار زبده والحوت أخر طراوه من بعد نطفو عليه ونخلوه حوالي 10 دقائق ونقدموه بالصحة والراحه

نأكد ما نعملوش ولا قطره تاع الماء الخضار تطلق ماءها شوفو الصوره