ஒரு அகலமான பௌலில் வெண்ணெய், எண்ணை, சர்க்கரை பவுடர் சேர்த்து நன்கு பீட் செய்யவும், (ஒயர் விஷ்க் அல்லது எலெக்ட்ரிக் பீட்டர்)முட்டையை ஒன்றன் பின் ஒன்றாக சேர்த்து பீட் செய்யவும். வெனிலா எசென்ஸ், ஒரு சிட்டிகை மஞ்சள்கலர் (yellow food colour) சேர்க்கவும்.(உங்கள் விருப்பம்)

ஒரு பௌலில் டூட்டி பிரூட்டி உடன் ஒரு டேபிள் ஸ்பூன் மைதா சேர்த்து நன்கு கலந்து வைக்கவும்.

வேறு ஒரு பௌலில் மைதா, பேக்கிங் பவுடர், பேக்கிங் சோடா சேர்த்து, மூன்று முறை சலித்துவைத்துக்கொள்ளவும்.

பின்னர் பட்டர், ஆயில், முட்டை கலவையில், கொஞ்சம் கொஞ்சமாக மைதா கலவை, பால் மாறி மாறி சேர்த்து, கரண்டி வைத்து ஒரே பக்கமாக கலக்கவும். கடைசியாக மைதா கலந்து வைத்துள்ள டூட்டி பிரூட்டி சேர்த்து கலந்து வெண்ணெய் தடவி, மைதா தூவிய, அல்லது பட்டர் பேப்பர் போட்ட பேக்கிங் தட்டில் சேர்த்து மேலே கொஞ்சம் டூட்டி பிரூட்டி தூவி, உப்பு சேர்த்து வைத்த தவாவில் வைத்து நாற்பத்தி ஐந்து நிமிடங்கள் மிதமான சூட்டில் பேக் செய்யவும். ஓவெனில் வைத்தால் 180 டிகிரியில் 35 நிமிடங்கள். (ஓவொரு ஓவென் பேக்கிங் நேரங்கள் மாறலாம்)