சிக்கன் லெக் பீஸ் துண்டுகளை, கழுவி மஞ்சள் தூள், உப்பு சேர்த்து அரை மணி நேரம் ஊற வைக்கவும். பின் இரண்டு முறை நன்கு கழுவி சுத்தம் செய்யவும்.

மிக்ஸி ஜாரில் சின்ன வெங்காயம்,இஞ்சி,பூண்டு தயிர்,மிளகாய்த்தூள், சிக்கன் சிக்ஸ்டி பைவ் மசாலா சேர்த்து நன்கு மையாக அரைக்கவும்.

அரைத்த விழுதை, சிக்கன் துண்டுகளுடன் சேர்த்து நன்கு கிளறி பிரிட்ஜில் ஒரு மணி நேரம் ஊற வைக்கவும்.

ஒரு மணி நேரம் கழித்து, சிக்கன் கலவையில் ஒரு முட்டை, மைதா, சோள மாவு சேர்த்து கிளறி அரை மணி நேரம் ஊறவைக்கவும்.

தேவையான எண்ணெய் சூடுபடுத்தவும்.

சிக்கன் துண்டுகளையும் எண்ணெயில் மிதமான சூட்டில் நன்கு வேகும் படி பொரித்து எடுக்கவும்.

நறுக்கிய வெங்காயம் எலுமிச்சை துண்டுகளுடன் சேர்த்து போட்டு பரிமாறவும்.