#रेसिपीबुक #week13

इंटरनेशनलरेसिपीpost1

जापान,आशीया खंडाच्या पूर्व भागातील देशांपैकी नेहमीच चर्चेत असणारा देश म्हणजे जपान होय. विज्ञान आणि तंत्रज्ञान क्षेत्रात नेहमी काहीतरी क्रांतिकारी आणि उलथापालथ करणारी गोष्ट घडवून आणण्याचा मान ह्या देशाला जातो. उगवत्या सूर्याचा देश म्हणूनही जपानची ख्याती आहे
जपानी माणसांच्या आयुमानाचं रहस्य त्यांच्या खाद्य संस्कृतीत दडलं आहे. खाद्यपदार्थांकडे आरोग्यदायी दृष्टीकोनातून पाहिलं जावं, अशी शिकवण जपानी संस्कृतीत आहे. 'हारा हाची बू' असं जपानमध्ये म्हटलं जातं. याचा अर्थ पोट 80% भरेपर्यंत जेवावं, असा होता. विशेष म्हणजे परंपरेतून आलेली ही शिकवण मुलांना लहानपणीच दिली जाते. खाद्यपदार्थ समोरच्या व्यक्तीसमोर कसे ठेवले जातात, याला जपानमध्ये अतिशय महत्त्व आहे. त्यामुळे जेवण वाढताना विशेष काळजी घेतली जाते. खाद्यपदार्थ एखाद्या व्यक्तीच्या समोर मांडताना त्याच्या ते डोळ्याला सुखावतील, हे पाहिलं जातं. खाद्यपदार्थ पोटात जाण्याआधी ते पाहूनच तुमची ज्ञानेंद्रियं जागृत होतील, याबद्दल जपानी मंडळी अतिशय दक्ष असतात. त्यामुळे हे पदार्थ खाताना फक्त पोट न भरता, त्याचा 'फिल' घेता येतो.  
टेंपुरा चिंगारी किंवा टेंपुरा ईबीह्या नावाने प्रसिद्ध असलेला पदार्थ मत्स्यप्रेमीचा नेहमी च आकर्षण चा पदार्थ.चिंगारी किंवा उभी किंवा श्रीम्प म्हणजे काय तर आपल्या लाडक्या कोंलंबीचीच जापान मधील नावे आमी टेंपुरा म्हणजे दुसरे तिसरे विशेष काहीही नसुन तो पदार्थ तयार करण्याची पद्धत जसे आपण उकडून, वाफवून, भाजून व तळून पदार्थ तयार करतो. मग येथिल बोलीभाषेतील टेंपुरा म्हणजे तळणे किंवा फ्राय करणे.
चला तर आज थोडी जपानची सैर करुया आणि तेथील टेंपुरा चिंगारी चा आस्वाद घेऊया