#रेसिपीबुक
#week14

आपली संपूर्ण खाद्यसंस्कृती ही पदार्थांची पौष्टिकता आणि त्याच्या उत्तम चवीच्या सुवर्णमध्यावर आधारित आहे. या सुवर्णमध्यावरचा तोल जराही ढळू न देता पदार्थांची चव आणि पौष्टिक गुणवत्ता दोन्ही वाढवायच्या म्हणजे तारेवरची कसरत. या साठी दोन आरोग्यवर्धक पदार्थांच्या संयोगातून नवा पदार्थ बनवायचे ठरविले.

यातील पहिला पदार्थाचा मान दिला दुधाला. गायीला माता आणि दुधाला अमृत मानणारी आपली संस्कृती. दुध आणि दुग्धजन्य पदार्थ यांचे फायदे सर्वश्रुत आहेतच. या दुधाची बर्फी बनविताना त्यात दुसरा आरोग्यवर्धक पदार्थ निवडला तो म्हणजे डाळिंब. आरोग्यदायी आणि औषधी गुणधर्म युक्त डाळिंबाचे कौतुक ते काय करावे. चवीला चुरचुरीत गोड. दिसायला सुंदर. डाळिंबाचे लालचुटुक रसाळ दाणे, रस, फुल अगदी फळाचे सालही विविध आजारावर औषध म्हणून वापरले जाते. अशा डाळिंबाच्या ताज्या रसाचा वापर करून ही 'डाळिंबाची बर्फी' साकारली. खाणाऱ्यांनी मनसोक्त दाद दिली आणि सुवर्ण मध्यावरची ही तारेवरची कसरत फळास आली याची पावती मिळाली...