सर्वप्रथम मेथीदाणे खमंग भाजून घ्यावेत व छोट्या खलबत्यात भरड पुड करुन घ्यावी.

आता दुध गरम करायला ठेवावे. व दुसरीकडे पॅनमध्ये साखर घेऊन कॅरॅमल करण्यासाठी परतावी.

साखरेचे कॅरॅमल झाल्यावर त्याच पॅनमध्ये तापवलेले दूध घालून एकसारखे ढवळावे.दुधाला उकळी येत असताना मेथीची भरड पूड घालून एक दोन उकळ्या येऊ द्याव्यात. व त्यानंतर गॅस बंद करावा.

पॅन मधील दूध भांड्यात घेऊन रवीने घुसळावे म्हणजे कॉफीचा फेस व फिल दिसेल गर्मागरम कॉफी सर्व्ह करावी. नेस्कॅफे सारखी हुबेहूब लागणारी ही कॉफी कोणालाही कळणार नाही की ही मेथी दाण्यांची कॉफी आहे.