प्रथम बारीक मटकी स्वच्छ धुऊन आठ तास पाण्यात भिजत ठेवा नंतर चाळणीत उपसून ठेवा. आणि त्यावर झाकण ठेवा. आठ-दहा तासाने चांगले मोड आलेले दिसतील. आता ही मोड आलेली मटकी कुकर मध्ये घाला, त्यात पाणी आणि चिमूटभर हळद घालून दोन शिट्ट्या काढून घ्या.आपल्याला मटकी फार मऊ शिजवून घ्यायची नाहीये.

एकीकडे आलो मिरची लसूण पेस्ट करून घ्या. दोन कांदे दोन टोमॅटो बारीक चिरून घ्या. राहिलेले दोन कांदे अगदी बारीक चिरून ठेवा. हे कांदे आपल्याला मिसळीवर वरून घालायचे आहे. कोथिंबीरही चिरून ठेवा.

आता कढई तापत ठेवा. त्यात तेल घाला. तेल तापल्यावर त्यात मोहरी जिरं हिंग हळद घालून खमंग फोडणी करून घ्या.आता यात कडिपत्ता घाला. नंतर या मध्ये कांदा टोमॅटोची पेस्ट घालून चांगले परतून घ्या

मग यात आलं मिरची लसूण पेस्ट घाला आणि व्यवस्थित परतून घ्या थोड्यावेळ झाकण ठेवून 2-3वेळा वाफा काढाव्यात.‌नंतर यामध्ये लाल तिखट,काश्मिरी लाल तिखट, कांदा लसूण मसाला,गोडा मसाला घालून मिश्रण व्यवस्थित परतून घेणे आणि त्याला परत दोन-तीन वाफा काढणे. थोडी बारीक चिरलेली कोथिंबीर,गूळ घालणेआणि मिश्रण व्यवस्थित परतून घेणे.

वरील मिसळीच्य मिश्रणाला तेल सुटू लागले की त्यामध्ये चार ते पाच कप गरम पाणी घाला. पाण्याचे प्रमाण तुम्ही कमी-जास्त करू शकता. आता मीठ घालावे. आणि हे मिश्रण खळखळून उकळून घ्यावे.

ही झाली आपली तर्री तयार.. यातील थोडी तरी बाजूला वाडग्यात काढून ठेवा, आता यात शिजवलेली मटकी घालून उसळ व्यवस्थित एकजीव करून घ्या. आणि झाकण ठेवून तीन-चार वाफा काढाव्यात. नंतर यात कोथिंबीर घालून उसळ परत ढवळून घ्यावी.ही झाली आपली मिसळीची उसळ तैय्यार..