اول حاجة نخلط البيض والسكر والفانيلا جيدا بواسطة مضرب يدوي فقط نضيف كاس حليب ونخلط حتى يذوب السكر نزيد الزيت ثم نغربل نص كاس كاكاو والفرينة والخميرة ونخلطهم جيدا حتى نتحصلو على خليط ناعم،نقسم الخليط الى ثلاث اجزاء يكونو متساوين نجيب مقلاة متلسقش ندهنها بشوية زبدة ونبدا نفرغ الخليط الاول ونغطيها حتى تنشف مالفوق وتطلعلنا نقلبها ونكمل كامل الخليط انا تحصلت على 3 كيك

نطلعو غبرة الشونتي مع الحليب نقيمها على 3 اقسام الاول كنت ضفتلو سيرو بذوق الرمان والثانية درتها بذوق الشوكولا كنت ضفتلها ملعقة كاكاو ذوبتها في ربع كاس حليب او ماء وخلصتها جيدا الاخيرة خليتها بيضاء بذوق الفاني،نشربو الكيك تاعنا بالسيرو وندير طبقة مالشونتي البيضا ثم نحط طبقة الكيك ونشربها نزيد طبقة بذوق الرمان ثم الطبقة الاخيرة مالكيك نشربو مليح ونغلفها كامل بالشونتي بذوق الشوكولا،

نذوبو الشوكولا مع الحليب ونعمل خطوط بالشوكولاتة ثم نطلي السطح بالشوكولا المتبقية نزيد نزينها بوردات مالشونتيي وبيسكوي ماكسون جي هايلة وساهلة وفرصة لي ماعندهاش فرن ماكاش حاجة مستحيلة 😉😉😉