काबुली चणे ९-१० तास भिजत घाला. नंतर कूकरमध्ये मध्यम आचेवर ५-६ शिट्या करून चणे शिजवून घ्या.शिजवताना पाण्यात थोडे मीठ घालावे. चणे मऊसर शिजवा. कांदा आणि टोमॅटो अगदी बारीक चिरावेत.

चणे शिजले कि एका भांड्यात २-३ टिस्पून तेल गरम करावे. जीरे, हळद, लाल तिखट घालून फोडणी करावी, आले-लसूण पेस्ट घालून परता. कांदा परतून घ्या. मग टोमॅटो घालून परतून घ्या. सर्व मसाले घाला. चवीनुसार मीठ घाला. मंद गॅसवर झाकण ठेवून मिनिटे मसाला शिजवून घ्या.

टोमॅटो अगदी नरम झाला कि शिजलेले चणे घाला.अगदी थोडे मीठ घाला म्हणजे चणे शिजताना मीठ आतपर्यंत मुरेल.

मग चणे मंद गॅसवर परत एकदा झाकण ठेवून चांगले शिजवून घ्या. चणे शिजले कि कोथिंबीर घालून गॅस बंद करा. मग गरम गरम छोले भटूरे किंवा पूरी बरोबर सर्व्ह करा.