સૌ પ્રથમ એક કડાઈ માં ઘી ગરમ કરી તેમાં ખજૂર સાંતળી લો.ખજૂર સોફ્ટ થાય પછી ગેસ પર થી ઉતારી ઠંડું થવા દો.

હવે તેમાંથી ૨-૩ ચમચી જેટલું મિશ્રણ અલગ કરી બાકી રહેલા મિશ્રણ માં સીંગ અને તલ નો ભૂકો તથા કાજુ બદામ નાં ટુકડા ઉમેરી સરખું મિક્સ કરી થોડુ ઠંડું થવા દો.

હવે તેનો એક રોલ બનાવી લો તથા બાજુ પર મુકેલા ખજૂર માંથી એક રોટલી વણી લો.

હવે આ રોલ ને ખજૂર ની રોટલી પર મુકી ફરીથી સરખો રોલ કરી લો.

હવે ખસખસ પાથરી તેમાં આ રોલ ને રગદોળી લો.જેથી રોલ પર બધી બાજુ સરખું આવરણ થઇ જાય.હવે તેને કડક રીતે બંધ કરી ફ્રિજ માં ૨ કલાક માટે મુકી દો. જેથી તેં સરખું સેટ થઇ જાય.

હવે તેનાં કાપા પાડી એક સરખા ટુકડા કરી લો. તો ત્યાર છે ખજૂર બરફી.