ચણાના લોટમાં લાલ મરચું પાઉડર, ધાણાજીરું, હળદર, અજમો અને મીઠું સ્વાદ અનુસાર ઉમેરી થોડી જાડી પેસ્ટ બને તેટલું પાણી ઉમેરી બરાબર રીતે મિક્સ કરી લેવાનું છે. તેને ઢાંકી ને સાઈડ પર રાખી દેવાનું છે.

સમારેલી કોબી, કેપ્સિકમ, ડુંગળી, ટમેટું, લીલી ડુંગળી ના પાંદડા અને બીટ બધુ બરાબર રીતે મિક્સ કરી તેમાં સ્વાદ અનુસાર મીઠું, ચાટ મસાલો અને લાલ મરચું પાઉડર ઉમેરવાના છે અને બરાબર રીતે મિક્સ કરી લેવાનું છે.

મીડીયમ ફ્લેમ પર એક નોનસ્ટીક લોઢીમાં ઘી લગાવી એક બ્રેડ સ્લાઈસ લઈ તેને તૈયાર કરેલા ચણાના લોટની પેસ્ટમા ડીપ કરીને બંને બાજુ બરાબર રીતે શેકી લેવાનું છે.

આ પુડલા બ્રેડ પર તૈયાર કરેલા વેજિટેબલ્સ નુ મિક્ચર બરાબર રીતે સ્પ્રેડ કરવાનું છે. અને તેના પર ચીઝ ખમણી ને સ્પ્રેડ કરવાનું છે.

પુડલા બ્રેડ નો બીજો પીસ તેના પર મૂકી સેન્ડવીચ ને પેક કરવાની છે.