نشغل الفرن ليسخن أولا علي أعلى درجه.

في بوله نضع الدقيق المنخول مع البيكنج بودر والملح وقلبهم كويس وننخلهم واتركهم جانبا وفي الخلاط او بالمضرب الكهربائي نضرب البيض مع الفانيليا ليصبح لونه افتح ثم نضيف السكر على ٣ مرات ليعلى الخليط ويصبح مثل الكريم شانتيه ثم نضيف الخل و ننزل بالزيت خيط ونستمر بالضرب دقيقه.

ثم نضع الخليط اللي في الخلاط في بوله العجن وننزل بخليط الدقيق على ٤ مرات مع نخله واقلب برفق من تحت لفوق في اتجاه واحد لحد مايندمج تماما واحصل علي مزيج ناعم ثم نضيف الماء المغلي على مزيج الكيك ونقلب بنفس الطريقة.

ادهن صينيه بيركس او الومونيوم مقاس ٢١ بسمنه أو زيت وابطنها بدقيق وانفض الصينيه من الدقيق الزائد
نصب الخليط في الصينيه لحد النص بالظبط.

ندخلها الفرن في الرف اللي في النص علي الشبكه واخليها أول ٥ دقايق علي أعلى درجه وبعدين أنزل الحراره ل ١٨٠ وكل ده والفرن مقفول لو عندك مروحه يبقا هتشغلي تحت وفوق علي ١٨٠ لمده ٢٥ دقيقه

واختبرها بعود شيش طاووق في النص واطلعها لو طلعت نضيفه يبقا استوت بسرعه واقفل باب الفرن براحه مش بالجامد عشان متهبطش لو لقيتيها استوت طفي الفرن وخليها لغايه ميبرد وبعدين طلعيها. وتقدم بالف هنا👍😍

ملحوظة💌 لو زودتي الخليط عن نص الصينيه هتكتم معاكي. لازم تكون بيركس او ألومنيوم لأن الصواني الغامقه بتمتص الحراره بسرعه فهتلاقيها لونت بسرعه ونيه أو مكتومه من الداخل.