કાજુનો ભૂક્કો કરવા મિક્ષચર માં થોડાં - થોડાં કાજુ લઇ મિક્સી ને ચાલુ બંધ - ચાલુ બંધ કરી કાજુનો ભૂક્કો કરવો જેથી તેમાંથી તેલ છુટ્ટો ના પડે અને સુક્કો ભૂક્કો થાય. આ ભુક્કાને ચારણી થી ચાળી લો.

એક કડાઈમાં સાકર લો તેમાં પાણી નાખી ગેસ ચાલુ કરો સતત હલાવતા રહો. એક તારી ચાસણી થાય એટલે ગેસ સાવ ધીમો કરી તેમાં કાજુનો અને દૂધનો પાઉડર નાખી મિક્સ કરો હવે તેમાં ઘી નાખીને હલાવતા રહો. કડાઈ છોડવા માંડે ત્યારે ગેસ બંધ કરી બે મિનીટ હલાવતા રહેવું. હવે પસારી ઠંડુ થવા દો.

એક જાડું પ્લાસ્ટિક લો તેમાં આ મિસરણ ને લઇ પ્લાસ્ટિક થીજ પાંચ મિનિટ મસળો. હવે પ્લાસ્ટીક પર જરા ઘી લગાડી આ મિશ્રણ મૂકી તેનાં પર બીજું પ્લાસ્ટિક મૂકી વેલણ થી વણો.

હવે તેના પર ચાંદી નો વરખ લગાડી ટુકડાં કરો. સ્ટીલની ફૂટપટ્ટીથી કાપા પાડવા જેથી એક સરખા થશે.