في قدر ندير اللحم نديرلو زيت نخليه يتقلى مليح نزيدلو البصلة والثوم وفلفل اكحل والملح والكسبر نخليهم يتقلاو او نزيد البطاطا والزرودية او نخليهم يزيدو يتقلاو مليح مليح او من بعد نمرق بالماء او نخليها اطيب

من جهة اخرى نجيب البربوشة تاعي نشمخها بشويا ماء او نفتلها بيدي من بعد نزيدلها شويا زيت ونحطها تتفور مرة الاولى

بعد ما تتفور نهبط البربوشة تاعي نزيدلها شويا ماء ونخليها تشرب من باعد نحطها تتفور او كيما تتفور (لازم تكون رطبة) نزيدلها شويا زبدة او نخليها على جنب

كي اطيب المرقة تاعي ندير في صحن شويا بربوشة ونسقي بالمرق او نزين بالفلفل والخضر ونقدمها سخونة وشهية طيبة 😋😋😋