كيكه البسبوسه خفيفه وطعمه اوي 😋👩🍳
كيكه البسبوسه خفيفه وطعمه اوي 😋👩🍳
إفتح في تطبيق كوكبادالخطوات
- 1
ف بوله بقه هضيف السميد وعليه البيكينج بودر ورشه الملح وهضيف جوز الهند عليهم واقلبهم سوا
- 2
وف طبق تاني هحط البيض وعليه الفانيليا ومعلقه الخل
- 3
وف الخلاط او مضرب هحط السكر مع البيض والفانيليا ونخلطهم سوا لحد ما السكر يدوب معاهم وبعدين هزود الزيت واضربهم كويس وبعدين الحليب واضربهم كويس سوا
- 4
وبعدين هحط الخليط علي السميد والبيكينج وجوز الهند واحده واحده مع التقليب واخلطهم سوا مع بعض كويس
- 5
هنجيب الصينيه بقه ال هندخلها الفرن وادهنها بزبده او سمنه علشان متلزقش وبعدين هضيف رشه سميد اوزعهاا ع الصينيه وبعدين هضيف الخليط واخبط الصينيه ع اي سطح علشان الفقاعات ال ف الكيكه
- 6
هكون مسخنه الفرن ع درجه حراره 180 وهدخلها بقه حوالي تلت ساعه تابعي مع الفرن لحد ما وشها يحمر وتستوي
- 7
اول ما تدخليها الفرن جهزي الشربات بقه ف حله ع النار هنضيف المايه والسكر وعصره الليمون وااقلب ع البارد كده لحد ما نحس ان السكر داب واسيبها تغلي غلوتين ع درجه حراره متوسطه وبعدين بطفي النار واسيبه ع جمب ع ما البسبوسه تستوي يكون هو دفي شويه لا سخن ولا بارد
- 8
اول ما نخرج البسبوسه بقه هنسقيها بالشربات وهيا سخنه اوعو تستنو لما تبرد وبعدين هغطيها بورق فويل لحد ما تبرد وبعدين تتزين برشه من جوز الهند لما تبرد ولو متاح مكسرات اطحنيها وزيني بيها بردو وتقدم بالف هنا 😍
كلمات ذات صلة
وصفات مشابهة
وصفات ننصحك بمشاهدتها
التعليقات (2)