आवळा, आले, पुदिन्याची पाने स्वच्छ धुवून घ्यावीत. मिक्सच्या छोट्या पॉटमध्ये आवळ्याचे बारीक काप, आल्याचा किस व पुदीना पाने घालावीत. थोडेसे पाणी घालुन पातळ पेस्ट करावी.

जीरे तव्यावर भाजुन घ्यावेत, त्यातील अर्धे जीरे,व मीठ पेस्ट मध्ये घालुन पुन्हा एकदा मिक्सर फिरवुन घ्यावे. ही पातळ पेस्ट काचेच्या पेल्यामध्ये गाळुन घ्यावी. चोथा फेकु नये, मुखशुद्धी म्हणुन वापरता येईल.

ऊरलेले भाजलेले जीरे भरडुन घ्यावे. ही भरड, पेस्टमध्ये घेऊन पाऊण ग्लास पाणी प्रत्येकी दोन ग्लासमध्ये मिसळावे. चवदार आरोग्यवर्धक आवळापेय तयार आहे. निवांत आस्वाद घ्यावा.