اول حاجة هنغسل الفراخ كويس ونصفيها وبعدين هنقطعها بسكينه خط بطول من غير ما نوصل للاخر عشان متتقسمش نصين ومن الخط الي عملاناه عمودي ده هنجي منه نعمل خطيين افقي (بالعرض) يمين وشمال عشان الفرخة تتفتح معانا زي الكراسة كده

وبعد كده هنجيب كيسة و الايد الي بنفرد بيها لحمه البوفتيك ونحط الفراخ في نص و نخبط عليها عشان تتفرد و مساحتها تكبر في الفرد

هنجيب طبق و نحط فيه معلقة من كل ملح و فلفل و بابريكا و زعتر و رشه جوزة الطيب و معلقتين زيت و بالفرشه ندهن الفراخ من فوق و تحت و نسبها تتبل

في طاسه غويطه هنحط معلقة سمنة و معلقة زيت و ننزل ببصلة متقطعة حتت صغيرة و نشوح فيها البصله بمعلقة ملح و فلفل أسود و بعدين ننزل بالرز و نشوحه معاهم و نحط ماسه مغليه و نسيبه يستوي نص سوا

هنفرد الفراخ علي كيسة و نحط الحشوة الي عملنها الخطوة الي فاتت بعد ما نسبها تبرد شوية و نلف بالكيسة رول عشان الفراخ تتلف معايا و نجيب صنية و نحط فيها معلقة زيت و مكعب زبده و نمسح بيهم الصنية كويس و نفرش في الارضيه بصلة و بطاطس و فلفل و نرص الفراخ فوقيهم و نغلفها بفويل و تدخل الفرن نص ساعه و الف هنا