نغسل زوائد جيدا و نقطعهم قطع متوسطة الحجم و نحضر التوابل و البصل و الثوم مرحي و الدبشة و طماطم حب مخلطة مع طماطم المصبرة.نحط الرية في طنجرة على النار و نخليها حتى يخرج منها الماء تاعها و نحرك باستمرار حتى تنشف من الماء

نحط في كوكوط 3 مغارف كبار زيت يسخن ثم نفرغ الرئة و نحرك و نخليها تتقلى مليح على نار متوسطة, كي تتقلى جيدا نضيفلها التوابل و البصل المرحي و الثوم و الدبشة والطماطم المرحية والمصبرة والملح و نزيد 2 مغارف كبار زيت ونحرك الكل مليح و نحطها على نار هادئة حتى تتقلى مليح

بعدما تتقلى نمرق بماء ساخن ونحطها على نار هادئة و نخليها طيب مليح,بعدما طيب نخليها على جنب

ندير شوية زيت في مقلاة يسخن ونفرغ الكبدة و نحركها حتى تتقلى مليح كي تتقلى و تحمار نزيدها للمرق السابق و نغلق لكوكوط ونخليها تزيد طيب معاهم حتى تطلق بنتها و خثارتها نتحصل على صوص عاقد نوعا ما ميش عاقد بزاااف. نطفي على النار ونضيف لاصوص رشة كمون وحبة ثوم مرحية و شوية دبشة مقطعة رقيقة ونخلط الكل مع بعض ونغلق عليها ونخليها على جنب الى حين تقديمها