સૌ પ્રથમ એક બાઉલ માં તેલ અને ખાંડ બરાબર મિક્સ કરો. મિશ્રણ ઘટ્ટ અને ફ્લફી થશે. તેમાં 1/4 કપ દૂધ ઉમેરી મિક્સ કરો. હવે તેમાં ચાળી ને મેંદો, બેકિંગ પાઉડર અને બેકિંગ સોડા ઉમેરો. બરાબર મિક્સ કરી બાકીનું દૂધ ધીમે ધીમે ઉમેરો અને હલાવો.એકદમ સ્મૂથ બેટર તૈયાર કરો. હવે તેના બે સરખા ભાગ કરો. એક ભાગ માં કોકો પાઉડર અને એક થી બે ચમચી દૂધ ઉમેરો. સ્મૂથ બેટર તૈયાર કરો. કેક ના સારા પરિણામ માટે તેની ઘટ્ટતા સારી હોવી જોઈએ.

હવે કેક ટીન ને તેલ થી ગ્રીસ કરી મેંદો ડસ્ટ કરો. એક થી બે ચમચી સફેદ બેટર ટીન ના સેંટર ભાગ માં નાંખી તેને ટેપ કરો. હવે એજ માપ ની ચમચી થી કોકો પાઉડર વાળું બેટર સેંટર માં ઉમેરી ટેપ કરો. એટલે બેટર ટીન માં ફેલાશે. આ રીતે વારાફરતી સફેદ અને કોકો પાઉડર વાળું બેટર ઉમેરતા જાવ અને ટેપ કરતા જાવ. હવે ટૂથપીક ની મદદ થી બહાર ની બાજુ થી અંદર ની બાજુ તરફ તેમાં લાઈન કરો. હવે ગેસ પર એક ખાલી તપેલું ઢાંકી 10 મિનિટ માટે ગરમ કરો. તેમાં કાંઠો મૂકી તૈયાર કરેલ કેક ટીન અંદર મુકો. તેની ઉપર વજન વાળું ઢાંકણું મુકો.

30 થી 40 મિનિટ પછી ચકાસો. કેક થઇ ગઈ હોય તો તેને ડિમોલ્ડ કરો. રૂમ ટેમ્પરેચર પર આવ્યાબાદ તેને પીરસો અથવા ત્યારબાદ જ કાપો. તો તૈયાર છે એકદમ સોફ્ટ કેક... તો આ રીતે ઘરે કેક બનાવો અને પાર્ટી એન્જોય કરો. આ કેક કોઈપણ ડેકોરેશન વગર જ એકદમ આકર્ષક લાગે છે. બાળકો ને પણ ખુબ જ ભાવશે.