सर्वप्रथम ज्वारी रात्रभर भिजू घालावे.
मिक्सर मध्ये त्याची थोडी सरबरीत व थोडी स्मूद पेस्ट करून घ्यावे.

एकीकडे लसूण, मिरची व कढीपत्त्याची पाने तयार ठेवावी.
एका मोठ्या पातेल्यात तेल घ्यावे व तेल तापू द्यावे.
त्यात जीरे मोहरी तडतडू द्यावी व सोबतच कडीपत्त्याचे पाने, मिरची व लसूण घालावे.
लसूण हल्का ब्राऊन झाल्यानंतर त्यात हळद घालावी व लगेच ज्वारीची पेस्ट फोडणीत घालावे.
सर्व मिश्रण मिक्स करावे.

मिश्रण मिक्स केल्यानंतर त्यात दही घालावे.
दही टाकल्यानंतर हे मिश्रण सतत हलवत राहावे.
ज्वारीच्या पेस्टचे दुप्पट पाणी घालून हे मिश्रण सतत हलवत रहावे व दहा मिनिटे शिजू द्यावे.
दहा ते पंधरा मिनिटे नंतर मिश्रण शिजल्यानंतर एका पातेल्यात काढून घ्यावे व गरम गरम सर्व्ह करावे.