वरील सर्व विभागवार घटकपदार्थांची पूर्वतयारी करून घ्यावी.नंतर मोठ्या कुकरमध्ये टोमॅटो, कांदे,आल्याचे तुकडे,लसूणपाकळ्या व सर्व खड्या मसाल्यांची एक कापडी पुरूचुंडी तयार करुन घ्यावी व ती या साहित्या बरोबर ठेवावी म्हणजे मसाल्यांचा सर्व अर्क उतरतो.व कुकर गँसवर ठेवून 5-6 शिट्ट्या कराव्यात.

उकडलेले टोमॅटो, कांदे सर्व कुकरमधून काढून चाळणीवर गाळून घ्यावे.मायक्रोवेव्हमधये काजू,बदाम,मगजबी 3मिनीटे उकडून घ्यावेत आता हे सगळे साहित्य थोडे थंड होऊ द्यावे. नंतर मिक्सरवर सर्व साहित्य अगदी मऊसर बारीक करावे.ग्रेव्हीला लागणारा मऊपणा आला की त्यात अमूल क्रीम घालावे व परत एकदा मिक्सरवर फिरवून घ्यावे.

गँसवर मोठी कढई तापत ठेवून 4-5टेबलस्पून अमूलबटर घालावे.वितळू द्यावे. थोडे शहाजीरे घालावे,त्यानंतर कश्मिरी मिरची पावडर व हळद घालून थोडे हलवावे.टोमॅटो उकडताना घातलेल्या पुरचुंडीतील मसालेही या बटरवर परतावे.मस्त सुवास येतो.त्यावर पनीरचे मध्यम चौकोनी तुकडे घालून मिश्रण हलवावे.3-4मिनिटे सतत हलवावे.मीठ व साखर घालावे.आता त्यावर मिक्सरमधील तयार ग्रेव्ही घालावी व हलक्या हाताने सर्व पनीर ढवळावे.5मिनिटे उकळी येऊ द्यावी..

नंतर खव्याचे मऊ गोळे हळूहळू यात सोडावेत.उष्णतेने खवा ग्रेव्हीत मिक्स होतो व घट्टपणाही यायला लागतो.गँस बंद करावा.चिरलेली कोथिंबीर, कसूरी मेथी व अमूल क्रीम यांनी गार्निशिंग करावे.फुलके,रोटी याबरोबर गरमागरम शाही पनीर सर्व्ह करावे.