🍝اول حاجه عصاج اللحمه المفرومه نشوح البصل مع فص ثوم وبحب ابهر البصل ببهارات مشكله وفلفل اسمر وورق لورا وحبهان لما يتشوح كويس اضيف اللحمه المفرومه وبحب اسيب اللحمه تتحمر شويه بيبقى طعمها روعه وبضيف بقى فلفل اخضر وجزر بفرمهم خشن وبضيف طماطميتين مبشورين واتبلها فى الاخر وبالملح والفلفل الاسمر وشويه بهارات مشكله ولو عندك شويه بقدونس او كزبره صغيرين ضيفهم بجد بيبقى طعمها

الباشميل نسيح الزبدة ثم نضيف الدقيق ولازم يكون سايح كده لو مكنش بالشكل ده نضيف قطعه زبدة صغيره او زيت ذره ثم نضيف الحليب البودر الحليب البودرة بيدى طعم للباشميل بيخليها زى الكريمة بظبط جربوها بالطريقة دى هتعجببكم قووووووى ثم نضيف الحليب بالتدريج عشان القوام يفضل سايح زى الكريمة يعنى نص كوب نص كوب مش كلها مره واحدة ونفضل نقلب بالمضرب اليدوى

لو حصل وكلعت منك ومش عارفه تعملى ايه (للمبتدئات) تاخدى الخليط كله وتضربيه فى الخلاط هيبقى كريمى وترجعى عليه فى الحله وتقلبيه لمده خمس دقايق وهيدكى نتيجة روعه فى اضافه هنا وهيه اختياريه انك تضيفى معلقتين جبنه كوباتات او كيرى او نستو وتقلبى كويس عشان تسيح فى وسط الباشميل (اختيارى)

ندهن ارضيه الصنيه باشميل

نرص المكرونه

نغطيها بطبقه من الباشميل

نضيف عصاج اللحمه

ثم نضيف طبقه من المكرونه وفوقها طبقه من الباشميل

وعلى الوش نضيف جبنه رومى او اى نوع جبنه تحبوه

وبالهنا والشفا