مكرونة بالبشاميل
مختلفه جدا لو اتبعتي الوصفه خطوه بخطوه
إفتح في تطبيق كوكبادالخطوات
- 1
حله صغيرة زيت بصل يدب ياخد لون ننزل باللحمه المفروم تتقلب كويس لغايه لما اللون الأحمر كله يختفي ننزل بعصير الطماطم و معلقه الصلصة و التوبل(ملح و فلفل و جوزه الطيب و ورق لورا)
- 2
ملحوظه جوزه الطيب و ورق رق الورا اساسي
- 3
البشاميل. نحص ٢ معلقه سمنه كبار مليانين لما تسيح خالص و تسخن ننزل بالدقيق و نقلب لما يسيح ننزل حبه حبه بالبن و المرقه و نقلب سريع لغايه لما يكتر (لازم يبقى خفيف شويه علشان بيتقل بعد شويه لوحده)
- 4
نقفل النار و نكسر بيضه جواه و نحط ملح و فلفل علشان الزفاره و نقلب جامد لما تدوب جواه
- 5
المكرونه نشطفها بعد سلقها و نرجعها في حله السلق تاني
- 6
نحط معلقتين او ثلاثه لحمه على المكرونه المسلوقه و حبه بشاميل و حبه جبنه رومي قديمه مبشوره و نقلب كويس علشان كله يدخل في بعضه
- 7
نزود جبنه رومي على حله البشاميل و نقلب و بعدين نركب الصينيه
- 8
ننزل بنص حله المكرونه و نفردها في الصينيه
- 9
ننزل باللحمه المفرمه فوقيها و نفردها و بعدين باقي المكرونه و نفردها و نضغط عليها بالمعلقه كويس و ننزل بعد كده بالبشاميل
- 10
تدخل الفرن لما الوش يحمر و بالف ننا
كلمات ذات صلة
وصفات مشابهة
وصفات ننصحك بمشاهدتها
التعليقات (2)