نبداء باسم الله الرحمان الرحيم نضع الفرينة ثم كاس السمن الملح الفاني وملعقة الزيت ونبسسهم رح تكون العجينة طرية متخافيش زيدي اجمعيها بنصف كاس الماء الزهر ثم نقسمها الي 9كريات 5من الاسفل و4من الاعلى و تتركيها ترتاع 4ساعات

في هده الاثناء نحمص الكوكاو ونرحيه بالخلاط ميكونش خشين ميكونش رقيق ونظيف عليه السكر وعطر الفاني ونجمع بماء الزهر ملزمش نشمخو بزاف باش يجي متماسك داخل البقلاوة

بعد ما ارتاحت العجينة نبداء بفتحها بالفرينة رقيقة ونظع في المول مع العلم المول لي ستعملتو صغير ويلي يحب يضاعف الكمية ولا يستعمل قيس كبير

كل ما نظع ورقة ندهنها بالسمن الدائب ثم نظيف الاخرى حتا نصل الي الخامسة لا ندهن لنظع الحشو ثم نكمل باقي الورقات وندهن مابينهم

ونقطعها ونزينها بحبات كوكاو او لوز او جوز حسب المتوفر

نظعها في فرن على درجة حرارة 150 درجة نصف ساعة ونراقبها عندما يحمرو لطراف نشعل عليها من الفوق حتى تاخد اللون الدهبي ونخرجها من الفرن ونعسلها مباشرة بعسل المرجان حتى تتشرب

نتركها 24ساعة حتي تشرب كل العسل ثم نقطعها بالصحة والهناء