✨تحضير الجينواز: الطبقة الاولى: بالضراب الكهربائي نضرب البيض مع السكر حتى يصبح الخليط أبيض ونضيف الفانيليا وبعدها نبدا نضيف الفرينة على ثلاث دفعات ونحرك ببطء بدون مانزل الخليط حتى نكمل كل الفرينة.

✨نفرش ورق الطهي في سينية تدخل للفرن ليكون مسخن مسبقا ونخليها طيب 12د.

✨بنفس الطريقة نطيب الطبقة الثانية.

✨ فكل طبقة نقسمها إلى إثنين. ويصبح عندنا أربعة طبقات.

✨نطيب السيرو ونخليه يبرد. ونحضر كرام باتيسيار بذوق الليمون: في نصف لتر حليب نبشر ليمونتين ونخليه يسخن ملئه وبعدها نصفيه من القشور ونضيفلو البيض، الفرينة والسكر ونحرك الكل ونحطهم على نار حتى تثقال ونحطها بجنب تبرد.

✨في إناء نطلع الكريمة الطازجة بالضراب الكهربائي حتى يصبح قوامها كثيف.

✨بالفووي نخلط كرام باتيسيار مع الكريمة الطازجة المضربة لتصبح لديا كرام ديبلومات.

✨نحضر السارسو لنطلع فيه التورتة.

✨نحط الطبقة الاولى ونشربها بالسيرو.

✨نضع فوقها قليل من الكريمة ونوزعها على كامل الأطراف.

✨نكمل بنفس الطريقة لجميع الطبقات ،والطبقة الأخيرة بعد مانشربها نوزع عليها كذلك الكريمة.

✨نحطها مباشرة فوق الكريمة لحطيناها في الطبقة الأخيرة.

✨نسويها مليح.

✨ والتزيين يكون إختياري بشرائح الليمون وانا ذوبت شوكولا وكتبت citron

✨تقدم باردة.

✨مذاق الليمون منعش.

✨وألف صح وهنا.