દાળ ને બરાબર પાણી થી ધોઇ ને ૪-૫ કલાક પાણી મા પલળવા દો,દહીં અને પાણી ઉમેરી મધ્યમ પાતળું ખીરું તૈયાર કરો.

હળદર, મીઠું ઉમેરી ૪ કલાક માટે આથો લાવવા માટે મુકી રાખો.૪ કલાક પછી તેમાં જરુર હોય તો મીઠું, હીંગ અને આદુ મરચા ની પેસ્ટ ઉમેરો.

એક નાના બાઉલ મા ૨ મોટા ચમચા જેટલું ખીરું અલગ કાઢી તેમાં ૧ ચપટી કાવાના સોડા અને પાણી ઉમેરી પાતળું ખીરું તૈયાર કરો.

તેલ લગાવેલી ડીશ મા ખીરું રેડી ૧૫ મિનિટ માટે વરાળે બાફો.

લીલી ચટણી બનાવા માટે - કોથમીર, મરચા, મીઠું, આદુ, લીંબુ, થોડો લોચો, સાકર અને જરુર મુજબ પાણી ઉમેરી ચટણી તૈયાર કરો.

સરસ લોચો તૈયાર થાય એટલે ચમચા થી કાઢી ડીશ મા મુકો, એના પર સિંગતેલ નાંખી,લોચા નો મસાલો અને ઝીણી સેવ ભભરાવી લીલી ચટણી સાથી ગરમ ગરમ જ પીરસો.

લોચો ગરમ ગરમ ખાવાની જ મજા આવે છે, બટર પણ નાંખી શકાય, પણ સાચી મજા તો સિંગતેલ સાથે ખાવા માં જ છે.