रताळे धुवून त्याचे साल काढून पाण्यामधे किसून घ्यावे(म्हणजे काळे पडणार नाही). मिक्सरच्या भांड्यामध्ये आले-मिरची पेस्ट करून घ्यावी.

एका ताटामध्ये उपवासाची भाजणी घेऊन त्यामध्ये दाण्याचा कूट, आले-मिरची पेस्ट, जीरे पावडर,चवीनुसार मीठ घालून मिक्स करावे. रताळ्या मधील पाणी हाताने पिळून काढून टाकावे आणि हे किसलेले रताळे वरील भाजणीमध्ये घालून वरून लिंबू पिळावे. सर्व मिश्रण एकजीव करून गरजेप्रमाणे पाणी घालून त्याचे हव्या त्या आकाराचे गोळे बनवून घ्यावे.

गॅसवर नॉनस्टिक पॅन तापायला ठेवा.प्लास्टिक वर पाण्याचा हात लावून त्यावर एक एक गोळा घेऊन हाताने थापून घ्यावा. तापलेल्या तव्यावर थोडेसे तूप घालून हे थालीपीठ दोन्ही बाजूंनी शेकून घ्यावे.

चटणी करण्यासाठी दाण्याचा कूट घेऊन त्यामध्ये चवीनुसार मीठ, साखर, आलं मिरची वाटण आणि दही घालून व्यवस्थित मिक्स करून घ्यावी. गरम गरम थालीपीठ या दाण्याच्या चटणीबरोबर खायला खूपच छान लागते.