போர்பன் பிஸ்கட் பிரித்து அதில் இருக்கும் கிரீமை தனியே எடுத்து பிஸ்கட் மட்டும் மிக்ஸியில் அடித்து பொடித்துக் கொள்ளவும். இதனுடன் பேக்கிங் சோடா சேர்த்துக் கொள்ளவும். இட்லி மாவு பதத்திற்கு தேவையான அளவு பால் ஊற்றி கரைத்துக் கொள்ளவும்.

உள்ளிருக்கும் க்ரீம் உடன் ஒரு சிறிய டைரி மில்க் சாக்லெட்டை சேர்த்துஉருண்டைகளாக சாக்லேட் உருண்டைகள் செய்யவும்.

ஒரு பணியாரக் கல்லில் நெய் ஊற்றி பிஸ்கட் கலவையை சிறிது சேர்த்து சாக்லேட் உருண்டை சேர்த்து மேலே திரும்பவும் பிஸ்கட் கலவையை சேர்க்கவும். 5 முதல் 10 நிமிடம் கழித்து பணியாரம் திருப்புவது போல் திருப்பிப் எடுக்கலாம்.

சாக்லேட் பணியாரம் சாக்லேட் கேக் போல உள்ளிருக்கும் சாக்லேட் உருண்டைகள் உருகி சாக்லேட் லாவா போல இருக்கும்.