सर्व भाज्या चिरून घेणे. उडीदडाळ ६ तास भिजत घालून बारीक वाटून ४-५ तास झाकून ठेवणे.

तूरडाळ शिजवून घेणे. हिवाळ्यात रात्रभर फर्मिनेट करावे. उन्हाळ्यात लवकर होते

५-६ तासानंतर वाटलेल्या डाळीत मीठ,जीरे, कोथिंबीर घालावी.

मिश्रण चमच्याने चांगले ढवळून मेदूवडा बनवावा. त्यासाठी तळहाताला पाणी लावून थापावा व मधे भोक करावे.

किंवा चहाच्या गाळणीची मागणी बाजूवर पाणी लावून त्यावर थोडे पीठ ठेवून मधे भोक पाडून तेलात तळण्यासाठी सोडावे. सर्व वडे तळून काढावेत.

कढईत तेल गरम करुन जीरे मोहरी, हिंग कढीपत्ता घालून फोडणी करावी.

सगळ्या भाज्या चांगल्या परतून सुके मसाले टाकावेत. ते थोडे परतले की पाणी घालून भाज्या थोड्या शिजत आल्यावर डाळ घोटून टाकावी. मीठ घालावे.

डाळ ढवळून चांगली खळखळून उकळी आणावी. वरुन कोथिंबीर घालावी आणि गॅस बंद करावा.

वडासांबार तयार. खोबऱ्याची चटणी आणि सांबार बरोबर मेदूवडा खायला द्यावा.