பெரிய வெங்காயம், தக்காளி, பச்சை மிளகாய் பொடியாகநறுக்கவும். காளான் கழுவி சுத்தம் செய்து கொள்ள வேண்டும்.

ஒரு அடி கனமான பாத்திரத்தில் எண்ணெய் ஊற்றி கடுகு, சீரகம், கறிவேப்பிலை போட்டு தாளித்து பின்னர் பொடியாகநறுக்கிய வெங்காயம், தக்காளி, பச்சை மிளகாய் சேர்த்து வதக்கவும். உப்பு, மஞ்சள் தூள், தனியா தூள், கரம் மசாலா, மிளகாய்த்தூள் சேர்த்து நன்கு வதக்கவும்.

சிறிது தண்ணீர் விட்டு வேக வைக்கவும். மாசலா வாசம் போகும் வரை கொதிக்கவிடவும். பிறகு காளான் போட்டு நன்கு வதக்கவும்.

பின்னர் தண்ணீர் ஊற்றி 10 நிமிடம் வேக வைக்கவும். கொத்தமல்லி தழை தூவி பரிமாறவும். இட்லிக்கு, தோசைக்கு, சப்பாத்திக்கு ஏற்ற சைடீஸ்.