اولا انا كان عندي كمية من صدر الدجاج ويلا كان عندكم بولي اشي احسن المهم طحنتو مع حبة بيض القليل من البصل والثوم والمعدنوس والقليل من التوابل لي درناهم في المرق

ثم نحضر القدر نضع بصلة كبيرة مبشورة مع القليل من الثوم والتوابل والزيت أكيد نقلي جيد ثم نضيف الجلبانة والقرنون و كوريات الدجاج نمرق بي الماء المغلي ثم نتركه حوالي ربع ساعة

ثم نفتح على القدر ننزع القرنون منخلوهم اطيب بزلف ثم نغلق على القدر مرة ثانية ثم اكمل طيابو ثم نترك القرنون يبرد ثم نحضر الفرينة والبيض والخبز المحمص المطحون

نحكم حبة القرنون نحشيها بي الجبن ثم نرمدها في الفرينة و البيض والخبز المطحون ثم نتركه يرتاح في الثلاجة لمدة ربع ساعة ثم نقليهم وفي الاخير نزين بيه الطبق كما في الصوره وبي الصحة والهناء وراحة البال انشاء الله صحة فطوركم خياتي العزاز شهيتكم بي الجنة يارب

كا ملاحضة هذا الطبق يختلف قليل على طبق القرنون لي تعرفوه حبيت ايكون تغير في الشكل حتى في الذوق يختلف جربوه ابنين بزاف بزاف 👍👍👍