प्रथम खलबत्त्यात लसूण पाकळ्या, जीरे, मीठ घालून वाटून घ्या.

बाउलमध्ये ज्वारीचे पीठ, बेसन, हळद,वाटलेले लसूण जीरे व पाणी घालून बॅटर बनवून घ्या. धिरड्याचे बॅटर खूप जास्त पातळ किंवा घट्ट ही नसावे.

तवा गरम करून तेल लावून पळीने बॅटर टाकून घ्या. दोन्ही बाजूंनी धिरडे छान भाजून घ्या.

आंब्याचा रस बनवण्यासाठी आंबे स्वच्छ धुवून हाताने दाबून मऊ करून घ्या. फोटोत दाखवल्याप्रमाणे वाटी मध्ये आंब्याला दाबून रस काढून घ्यावा. कोय आणि साल बाजूला ठेवा नंतर थोड पाणी मीठ घालून कोय आणि साल दोन्ही स्वच्छ धुवून रस काढून घ्या. तुम्ही मिक्सरमध्ये ही रस बनवून घेऊ शकता.

रसामध्ये चवीप्रमाणे साखर घालून छान मिक्स करावे. पंधरा मिनिटे फ्रिजमध्ये ठेवून थंड करून घ्या.

धिरडे आमरस सर्व्ह करा.