प्रथम चणाडाळ गरम पाण्यात ५/६ तास भिजत घालावी. मग पाणी निथळून टाकावे. कांदा व लसूण बारीक चिरुन घ्यावे. टोमॅटो बारीक चिरुन घ्यावा. कढइत तेल गरम करावे त्यात चिरलेला कांदा व लसूण घालावा व परतावा.

कांदा चांगला शिजला की त्यात टोमॅटो घालावा. दोन्ही शिजले की त्यात लाल तिखट, काळा मसाला, गरम मसाला, हळद व धनाजीरा पावडर घालावी. तेल सूटे पर्यंत शिजवावे.

मग त्यात चणाडाळ घालावी, एक ते दीड कप पाणी घालावे व १५ मिनिटे भाजी शिजवावी. मग चवाीनूसार मीठ घालावे व एकत्र करुन गॅस बंद करावा. चमचमीत डाळ कांदा तयार, गरम पोळी किंवा भाताबरोबर सर्व करावा.