اولا بعدما نقي الغرس نقومو بتفويره وهذا لكي يبقى طري من الداخل ثم نعجنه بماء الزهر وبعض الجلجلانية المرحية والمحمصة اضافة فقط واخيؤا نضيف القليييل من الزيت ونحربشو حرابش رقاق

ناخذ الفرين مع السميد ونضيف السمن ونخلط المزيج جيدا ثم نتركه يرتاح ساعة الى 4ساعات ثم نرش عليه الماء اللي نكونو حلينا فيه شوية ملح ونشوفو اذا شرب الماء نضيف الماء بالقليل ونشوف مع الخليط مالازمش نجروه

نعمل حريوش من العجين نفتحوه ونضع الغرس في النصف ونغلق. نرولي بالشوية حتى نتحصلو على السمك اللي نحبوه ونضغط بالطابع عليه ونقسمو ثم نضعه في الصينية بحيث كل حبة امام الاخرى ونغلق الجوانب ببعض العجين باه مايتحرقش الغرس ونحطوه يطيب للامانة انا درتو في الليل وطيبتو لغدوة وهذا للحفاظ على الشكل تاعه