एका बाउल मध्ये ज्वारीचे पीठ,बेसन,कणीक,हळद,जीरे,लसूण मिरची पेस्ट, कोथिंबीर एकत्र करावे.त्यात साधारण दोन ते अडीच कप पाणी व चवीनुसार मीठ घालावे.

डोसा तवा गरम करावा. कांदा अर्धा कापून त्याने तव्याला तेल लावावे. गॅस मिडीयम हाय वर असावा. गरम तव्यावर पळीने मिश्रण पसरावे. मिश्रण पसरल्यावर गॅस मध्यम स्लो करावा.

धिरडे कडेने सुटू लागल्यावर परतावे. दुसऱ्या बाजूने भाजून घ्यावे. गरम गरम धिरडी आमरस बरोबर सर्व्ह करावी.