வெறும் கடாயில் தனியா,க.பருப்பு,உ.பருப்பு,மிளகாய்,பச்சரிசி,கறிவேப்பிலை ஆகியவற்றை ஒன்றாக சிவக்க வறுத்துக் கொள்ளவும்.

வறுத்ததை ஆறினதும் மிக்ஸியில் போட்டு கொரகொரப்பாக அரைத்துக் கொள்ளவும்.

கடாயில் வாழைக்காயை தோல் சீவி இரண்டு துண்டுகளாக வெட்டி தேவையான தண்ணீர் ஊற்றி அதில் உப்பு,ம.தூள் போட்டு மூடி போட்டு 10 நிமிடம் வேக விடவும்.வாழைக்காய் குழையக் கூடாது. வெந்த வாழைக்காயை தட்டில் போட்டு ஆறவிடவும்.

ஆறவைத்த வாழைக்காயை மசித்துக் கொள்ளவும்.கடாயில் தே.எண்ணெய் காய்ந்ததும் கடுகு,க.பருப்பு,உ.பருப்பு தாளித்ததும் ம.தூள்,காஷ்மீரி மி.தூள் உப்பு,கறிவேப்பிலை போடவும்.பிறகு மசித்த வாழைக்காயை போட்டு நன்கு ஒன்று சேர கிளறவும்.

கிளறினதும் வறுத்த பொடியை மேலே போடவும்.5நிமிடம் அடுப்பில் வைத்து கிளறினதும் இறக்கி விடவும்.

சுவையான,மணமான,*வாழைக்காய்
பொடிமாஸ்*,தயார்.செய்து பார்த்து அசத்தவும்.